Sobreseídas as actuacións contra o xerente da Amtega na investigación por sobrevenda de pasaxes a Cíes

Nesta causa, iniciada despois de que a Xunta puxese os feitos en coñecemento da Fiscalía, están a ser investigadas as navieiras supostamente implicadas.

Por Europa Press / Redacción | VIGO | 06/06/2019 | Actualizada ás 17:25

Comparte esta noticia

A titular do xulgado de instrución número 3 de Vigo decretou o sobresemento das actuacións con respecto ao xerente da Axencia para a Modernización Tecnolóxica de Galicia (Amtega), José Luís Somoza, na investigación que se segue por suposta falsidade documental na sobrevenda de billetes ás illas Cíes.

Reclamacións viaxe Illas Cíes
Reclamacións viaxe Illas Cíes

Nesta causa, iniciada despois de que a Xunta puxese os feitos en coñecemento da Fiscalía, están a ser investigadas as navieiras supostamente implicadas na sobrevenda de pasaxes ao arquipélago no mes de agosto de 2017.

Esa sobrevenda obrigou a deixar en terra a numerosos viaxeiros que adquiriran a súa pasaxe e motivou que a Xunta puxese en marcha un novo sistema de reservas telemáticas, co fin de que non se volvese superar a cota de visitantes permitidos no Parque Nacional Illas Atlánticas.

Segundo informou a Amtega, o xulgado retirou a condición de investigado a José Luís Somoza a petición da Fiscalía e unha vez que o xerente da Axencia prestou declaración.

A Axencia indicou que a xuíza non aprecia "participación en delito algún" por parte do xerente e sinalou que segue "colaborando" coa Xustiza con para esclarecer o sucedido. De feito, este xoves prestou declaración como testemuña a responsable da área de Solucións Tecnolóxicas Sectoriais da Amtega.

Estación retirada billetes Illas Cíes
Estación retirada billetes Illas Cíes

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta