Os concursos aumentan un 20,6% no primeiro trimestre en Galicia

A suba é menor que no conxunto do estado.

Por E.P. | SANTIAGO DE COMPOSTELA | 10/06/2019 | Actualizada ás 14:24

Comparte esta noticia

Os concursos presentados en Galicia no primeiro trimestre aumentaron un 20,6% no primeiro trimestre do ano ata 82, o que supón 14 máis que no mesmo período de 2018, segundo datos do Consello Xeral do Poder Xudicial (CGPJ).

Con todo, este incremento na Comunidade galega está por baixo do avance do 29,3% que tivo lugar na media española, ao ascender ata 2.796. Respecto dos concursos con persoas naturais non empresarias, presentáronse en Galicia un total de 47 no primeiros tres meses de 2019, cifra que triplica os 15 do mesmo período de 2018.

Pola súa banda, no primeiro trimestre presentáronse na Comunidade 16 expedientes da lei concursal relativos ás modificacións substanciais das condicións dos ERE, fronte aos catro do mesmo período do ano pasado.

En Galicia, rexistráronse 1.442 demandas por despedimento nos xulgados do social entre o 1 de xaneiro e o 31 de marzo, o que supón unha alza do 21%, moi por encima do 7% de avance medio no país. Os procesos monitorios --que teñen por obxecto a resolución rápida de conflitos xurídicos-- presentado no primeiro trimestre foron 10.111, o que se traduce nun incremento do 70,2%.

Cabe destacar que a Tribuna Superior de Xustiza de Galicia (TSXG) atribúe todos os incrementos estatísticos do primeiro trimestre de 2019 a que a comparativa se fai co mesmo período de 2018, no que houbo unha folga de xustiza en Galicia, o que provocou "baixas cifras" respecto das habituais.

Protesta dos traballadores da empresa de limpeza Linorsa, que entrou en concurso de acreedores
Protesta dos traballadores da empresa de limpeza Linorsa, que entrou en concurso de acreedores | Fonte: CIG

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta