Vueling estrea conexión A Coruña-Bilbao

A aerolínea Vueling celebrou este xoves os seus 15 millóns de pasaxeiros no Aeroporto de Loiu coa incorporación da súa quinta aeronave baseada neste emprazamento e estreou tres novas conexións á Coruña, O Porto e Florencia.

Cun persoal local de máis de 150 profesionais, entre pilotos e tripulación de cabina, a compañía pasou de transportar 226.000 pasaxeiros en 2005, cando iniciou as súas operacións en Loiu, a máis de dous millóns en 2018.

Segundo a compañía aérea, Bilbao é "un territorio clave" para Vueling, con 24 rutas estatais e internacionais e cinco avións baseados no Aeroporto de Loiu.