O Son do Camiño permite acceder con comida do exterior
Facua interpuxo denuncias a varios festivais.
Por Europa Press / Redacción | SANTIAGO DE COMPOSTELA | 13/06/2019 | Actualizada ás 19:19
O festival O Son do Camiño permitirá acceder con comida do exterior, segundo informa Facua, tras as denuncias que esta organización en defensa do consumidor interpuxo a varios festivais.
Facua indica que os organizadores lle confirmaron que "efectivamente está permitido introducir comida do exterior", pero que segue prohibindo a entrada con bebidas porque "entre o público haberá menores" e "pensando na súa seguridade". En calquera caso, dentro do recinto haberá "puntos de auga gratuítos en varias localizacións".
O Son do Camiño celébrase desde este xoves 13 e ata o sábado 15 no Monte do Gozo de Santiago de Compostela, onde está prevista a asistencia dunhas 30.000 persoas por día.
