Por E.P. | A CORUÑA | 14/06/2019 | Actualizada ás 16:37
A Xunta e a Fiscalía Superior de Galicia acordaron continuar co protocolo de actuación nas Oficinas de Atención ás Vítimas, coa incorporación de traballadores sociais, segundo informa a Consellería de Presidencia.
O vicepresidente da Xunta, Alfonso Rueda, e o fiscal superior de Galicia, Fernando Suanzes, presidiron este venres a Comisión Mixta da Fiscalía, á que tamén asistiron os fiscais da Unidade de Apoio de Madrid, Francisco Moreno e Germán Gutiérrez; os fiscais xefes provinciais e o director xeral de Xustiza, Juan José Martín.
Na reunión da Comisión Mixta acordouse o desenvolvemento do protocolo de actuación para o funcionamento das Oficinas de Atención ás Vítimas, "que incorporarán un traballador social que se suma ao profesional de psicoloxía que xa está incorporado na actualidade en cada Fiscalía", explica a Consellería.
O obxectivo é, engade, "prestar unha asistencia integral, coordinada e especializada ás vítimas como consecuencia do delito, en especial aos menores de idade e ás vítimas especialmente vulnerables dentro do proceso xudicial".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.