Aprobadas axudas para reparar danos da gran vaga de lumes, case dous anos despois
O Consello de Ministros autoriza un millón de euros do Fondo de Continxencia para cubrir os danos dos lumes de outubro de 2017.
Por Europa Press / Redacción | Madrid | 21/06/2019 | Actualizada ás 19:24
O Consello de Ministros autorizou aplicar 1,5 millóns de euros do Fondo de Continxencia para financiar dúas concesións de créditos extraordinarios no Ministerio de Política Territorial e Función Pública, para autorizar subvencións para paliar os danos causados por temporais en varias provincias e polos incendios en Galicia e Asturias.
En total destinaranse 1.572.472 euros, dos que 550.274 euros se empregarán en atenuar danos ocasionados por temporais ocorridos ata final de xuño de 2017 nas provincias de Huelva, Málaga, Cádiz, Valencia e Teruel, segundo o previsto no Real Decreto-Lei 2/2017.
Así mesmo, 1.022.198 euros permitirán reparar danos causados polos incendios forestais do mes de outubro de 2017.
