Denuncian un "control case nulo" do consumo de alcol entre cazadores galegos, con "só 8 controis en sete anos"
"Os datos achegados son moi alarmantes, con 1,14 probas cada ano fronte ás 42.000 persoas que disporían de licenza agora", apuntan animalistas.
Por Europa Press / Redacción | SANTIAGO DE COMPOSTELA | 26/06/2019 | Actualizada ás 11:31
A Asociación Animalista Libera e a Fundación Franz Weber denunciaron que en Galicia se está levando a cabo unha "porcentaxe de inspección case nulo" en relación ao consumo de alcol entre os cazadores, con "só oito controles en sete anos".
A través dunha nota de prensa, a asociación explicou que solicitaron á Dirección Xeral da Garda Civil os datos de controis de alcoholemia e de sustancias estupefacientes realizados a cazadores no marco desta actividade en Galicia. Segundo lles trasladaron, apuntan, foron "só oito" no período 2013-2018, un dato "sorprendente á vez que preocupante".
Os animalistas propuxeron nos últimos meses un reforzo deste tipo de actuacións preventivas para evitar que os cazadores consuman alcol ou drogas "que poidan alterar a súa conduta e capacidades durante unha batida". "Pero os datos achegados son moi alarmantes, con 1,14 probas cada ano fronte ás 42.000 persoas que disporían de licenza agora", estiman.
A Lei de Caza de Galicia, indican, "recolle a posibilidade de realizar probas de alcoholemia", pero "non regulamenta nin os tipos máximos nin os mínimos, o que na práctica fai inaplicable o artigo". Para os animalistas é "preocupante" que "unha persoa con arma de fogo" non sexa "sometido de forma regular a controis psicotécnicos, médicos e de consumo deste tipo de sustancias"
