Temas: INDUSTRIA ALCOA

O investidor alemán Quantum di que o seu proxecto tiña "garantías financeiras máis que suficientes"

Quantum di que as súas garantías contan co soporte de entidades financeiras internacionais de recoñecido prestixio e do seu propio grupo de compañías.

Por Europa Press / Redacción | Santiago de Compostela | 27/06/2019 | Actualizada ás 14:24

Comparte esta noticia

O investidor industrial Quantum Capital Partners (QCP Quantum) emitiu este xoves un comunicado no que afirma que a súa oferta para a adquisición das fábricas de Alcoa en Avilés e A Coruña ten "garantías financeiras máis que suficientes".

A opción de Quantum, con todo, non está contemplada. Quedou fóra de discusión na pasada mesa técnica do proceso de venda da planta, celebrada en Madrid o 20 de xuño, onde só se contemplou a venda ao fondo Parter Capital.

O Goberno asturiano afirmou que pediu as razóns polas que se rexeitaba a proposta de Quantum e que Alcoa alegou que non ofrecía garantías financeiras.

Quantum nega que iso sexa certo e di que as súas garantías contan co soporte de entidades financeiras internacionais de recoñecido prestixio e do seu propio grupo de compañías e supoñen unha cobertura financeira suficiente para todas as necesidades expostas para ambos os proxectos.

Insistiu en que, durante este proceso de negociación para a adquisición das plantas de Alcoa en Asturias e Galicia, trasladáronse informacións "falsas", por "descoñecemento ou por mala fe", que poden "dificultar a toma de consideración dun proxecto industrial como o presentado por Quantum".

Protesta de traballadores de Alcoa este sábado na Coruña. CEDIDA - Arquivo
Protesta de traballadores de Alcoa este sábado na Coruña. CEDIDA - Arquivo

Temas: INDUSTRIA ALCOA
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta