A Xunta colabora na mellora do sector pesqueiro en Mozambique a través do proxecto 'Acuipe'

Por E.P. | SANTIAGO DE COMPOSTELA | 03/07/2019 | Actualizada ás 12:24

Comparte esta noticia

O Centro Tecnolóxico do Mar (Cetmar), xunto coa Consellería do Mar, colaborarán para "fortalecer as capacidades técnicas" dos piscicultores da provincia mozambiqueña de Cabo Delgado a través do financiamento do proxecto 'Acuipes'.

A iniciativa parte dun convenio subscrito coa Vicepresidencia da Xunta que financia accións de mellora do sector pesqueiro e acuícola a través de Cooperación Galega, segundo informou a Xunta nun comunicado.

Segundo o último 'Informe de Desenvolvemento Humano de Nacións Unidas', Mozambique sitúase como o oitavo país co índice de desenvolvemento humano máis baixo do mundo. O obxectivo do proxecto 'Acuipes' é, explicou a Xunta, ampliar as oportunidades de emprego, así como as fontes de ingresos sustentables para as comunidades rurais de Cabo Delgado. Deste xeito, preténdese contribuír á loita contra a pobreza e á mellora das condicións de vida e da seguridade alimenticia.

Na formación sobre 'Piscicultura básica. Produción de tilapia' participan 14 piscicultores que buscan tanto iniciarse no cultivo, como ampliar coñecementos. Nesta acción formativa tamén participan técnicos da Dirección Provincial do Ministerio do Mar, Augas Interiores e Pescas (Dpmaip) e do Servizo Distrital de Actividades.

Pesca en Mozambique
Pesca en Mozambique | Fonte: CETMAR.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta