Abanca pon a disposición dos seus traballadores patinetes eléctricos e bicis na Coruña, Vigo e Madrid
A entidade financeira enmarca estas actuacións na súa aposta por un novo modelo de oficina sustentable.
Por E.P. | SANTIAGO DE COMPOSTELA | 03/07/2019 | Actualizada ás 12:54
Abanca pon a disposición dos seus traballadores patinetes eléctricos e bicicletas na Coruña, Vigo e Madrid co obxectivo de fomentar o transporte sustentable para desprazarse nestes municipios.
O banco deseñou un sistema de reservas en liña para que cada empregado poida xestionar o uso dos vehículos, que estará nas sedes corporativas deste tres cidades.
Proximamente, nunha segunda fase de promoción de transporte saudable, Abanca ofrecerá ao seu persoal unha promoción especial para que poidan comprar un patinete eléctrico co que poder desprazarse pola cidade.
A entidade financeira enmarca estas actuacións na súa aposta por un novo modelo de oficina sustentable, cunha redución de consumos enerxéticos e emisións que se xeran, ademais de "mellorar a calidade de vida". De feito, sinala que en 2018 logrou unha redución do 10,6% no consumo enerxético por empregado, dun 8,1% en gasóleo e dun 2,2% en papel, entre outros.
