Por E.P. | Santiago de Compostela | 04/07/2019 | Actualizada ás 20:56
A Asociación Galega de Enfermaría Familiar e Comunitaria considera que os contratos de tres anos acordados este xoves pola Xunta para hospitais e Atención Primaria son unha solución "temporal", pero reclaman a creación de novas prazas estruturais de enfermeiras nesta especialidade e a reconversión de novas prazas vacantes.
Esta asociación lamenta que o 75% das enfermeiras especialistas en familiar e comunitaria --só o 25% ten un praza estable en cadros de Atención Primaria-- sexan obrigadas polo actual sistema de contratacións a ter que aceptar contratos en hospitalaria para non ser sancionadas. "Impedindo deste xeito que profesionais formados en Atención Primaria para traballar en Atención Primaria presten coidados avanzados e especializados á poboación, dilapidando recursos públicos", lamenta.
Por iso, demanda unha maior estabilidade para este colectivo co fin de mellorar o servizo e a situación laboral dos enfermeiros especializados no ámbito da Atención Primaria.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.