Un home enfróntase a seis anos de cárcere por abusar sexualmente da súa filla de forma continuada
A Fiscalía tamén pide oito anos de liberdade vixiada para o acusado.
Por E.P. | SANTIAGO DE COMPOSTELA | 06/07/2019 | Actualizada ás 11:44
Un home enfróntase a seis anos de prisión e outro oito de liberdade vixiada por abusar sexualmente da súa filla de forma continuada desde que esta tiña seis anos.
O xuízo terá lugar o vindeiro martes na Sección segunda da Audiencia Provincial de Pontevedra, segundo informou o Tribunal Superior de Xustiza de Galicia.
A Fiscalía pide seis anos de cárcere e oito de liberdade vixiada unha vez conclúa o período de internamento en prisión, así como a privación da patria potestade sobre a súa filla, á que, en caso de ser condenado, non poderá comunicarse durante o tempo que dure a pena.
Ademais, tamén reclama que o acusado sexa inhabilitado durante un período de once anos para exercer calquera profesión ou oficio que leve contacto directo con menores.
