Por Galicia Confidencial | Compostela | 11/07/2019 | Actualizada ás 15:16
O presidente da Xunta amosou este xoves a súa satisfacción tras o recurso presentado polo Goberno de Pedro Sánchez contra a familia Franco para recuperar a titularidade do Pazo de Meirás, vendido de xeito supostamente fraudulento, ao dictador a medidados do século pasado.
“Nós levamos traballando sobre este tema desde hai tempo e a Xunta pronunciouse a favor deste recurso por razós legais porque ese pazo é de patrimonio público e non privado”, suliñou Feijóo na rolda de prensa posterior ao Consello da Xunta.
O xefe do Executivo galego vinculou o recurso da Avogacía do Estado cos trámites que xa realizou a Xunta a este respecto. “Ao final semella que era certo o que lle pediamos ao Ministerio de Xustiza e parece que isto se activa”, suliñou. Ademais, lembrou que o Parlamento galego approbou dúas iniciativas para que a familia devolva o pazo.
Preguntado sobre se a Xunta se vai personar como acusación particular neste caso, Feijóo xa foi máis cauto. “Primeiro hai que ver se temos lexitimación para facelo pero parece que iso correspóndelle ao Estado”, indicou.
HABERÁ PERSONACIÓN
Posteriormente, o presidente da Xunta, a través da súa conta de tuiter, anunciou que o seu goberno tamén se personará no proceso para recupera a propiedade pública do Pazo de Meirás. "Se se confirma a valoración inicial, farémolo", indicou.
"Estamos satisfeitos de que a Avogacía do Estado concorde cos criterios xurícos da Xunta e coa vontade unánime expresada no Parlamento galego", escribiu.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.