A balea azul, o animal máis grande do planeta, volve a Galicia

Investigadores do BDRI avistan o primeiro exemplar desta especie en 2019, logo de que a finais de 2017 e durante 2018 fosen sorprendidos pola presenza de máis baleas.

Por Galicia Confidencial | Santiago de Compostela | 15/07/2019 | Actualizada ás 11:18

Comparte esta noticia

As baleas azuis (o animal máis grande do planeta) están de volta en Galicia. Os investigadores do Instituto para o Estudo dos Mamíferos Mariños (BDRI, polas súas siglas en inglés), con base no Grove, fotografaron este domingo un exemplar de 22 metros de longo en augas externas das Rías Baixas.

Balea azul en augas de Galicia
Balea azul en augas de Galicia | Fonte: BDRI.

Trátase do primeiro avistamento de baleas azuis en Galicia este ano, logo de que a finais de 2017 e durante 2018 a comunidade científica se vise sorprendida polo achegamento a augas galegas de varios exemplares desta especie, algo insólito.

Os biólogos cren que estes animais se aproximan a Galicia para alimentarse nas súas ricas augas. O que a finais de 2017 era algo inaudito comeza xa a ser normal: a presenza do animal máis grande do mundo fronte a nosa costa

Os científicos do BDRI aproveitaron este avistamento para  obter datos sobre o comportamento de inmersión do animal, para entender mellor as súas actividades de alimentación na zona.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta