Por E.P. | SANTIAGO DE COMPOSTELA | 16/07/2019 | Actualizada ás 17:48
O Concello de Ferrol e a Consellería de Política Social chegaron a un principio de acordo para a construción da residencia de maiores no Bretón. En concreto, o Consistorio ferrolán cedería unha parcela para a súa realización nesta zona, en detrimento do proxecto orixinal do organismo autonómico proxectado no Boial e no que non houbese acordo co anterior goberno municipal de Jorge Suárez.
Acompañado polo edil de Urbanismo, Julián Reina, o alcalde de Ferrol, Ángel Marto, deu a coñecer este principio de acordo e comentou que esta parcela dispón de 9.000 metros cadrados, dos cales este proxecto necesita máis de 5.000.
Ademais, indicou que "conta con todos os servizos básicos da cidade á súa disposición" e está próxima aos barrios de Ultramar, Caranza ou San Xoan, algo que non sucedía no proxecto do Boial, afastado do centro da cidade. Ao mesmo tempo, o rexedor afirmou que os técnicos da Consellería de Política Social deron o visto e prace a esta parcela no Bertón.
O alcalde destacou que este cambio de localización tamén é debido ao tipo de usuarios que terá esta residencia de maiores "porque na súa maioría non terán problemas de mobilidade", aínda que tamén estará adaptado a persoas con problemas cognitivos severos ou persoas con problemas sociais.
Este centro, que dotaría a cidade de 150 novas prazas e 80 novos empregos, tería unha área médica, unha sala de rehabilitación, enfermaría, farmacia ou unha ampla sala de visitas.
Para que esta residencia de maiores no Bertón poida ser unha realidade, o primeiro paso terao que dar a corporación municipal do Concello de Ferrol no pleno, que deberá aprobar o cambio de uso desta parcela que actualmente se destina a usos deportivos. Así, pasaría a ser de uso deportivo-asistencial, segundo confirmou o concelleiro de Urbanismo, Julián Reina.
Unha vez o goberno municipal conseguise a aprobación plenaria o seguinte paso sería a firma do convenio coa Consellería de Política Social, para que o organismo autonómico poida elaborar o proxecto e sacar a concurso a licitación das obras, polo que o alcalde de Ferrol esperaba que este todo este proceso administrativo poida estar completado nuns meses.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.