Por Europa Press / Redacción | SANTIAGO DE COMPOSTELA | 19/07/2019 | Actualizada ás 10:29
A Seguridade Social gañou 875 cotizantes estranxeiros en xuño en Galicia, un incremento do 2,32% en relación con abril, ata situar o total de inmigrantes ocupados en 38.563, segundo os datos publicados este venres polo Ministerio de Traballo, Migracións e Seguridade Social.
En comparación co mesmo mes de 2018, o aumento dos estranxeiros afiliados á Seguridade Social é do 9,05% en Galicia. Un aumento significativo e que axuda a manter a pirámide laboral no país. E en que traballan os estranxeiros que veñen a Galicia?. A distribución por réximes é de 30.653 no xeneral (26.213 no subtipo xeral, 1.330 no agrario e 3.111 no fogar), 6.659 autónomos e 1.250 do mar.
Ademais, os dados de alta no sistema en Galicia son 16.320 estranxeiros procedentes doutros países da Unión Europea e 22.243 extracomunitarios.
DATOS ESTATAIS
A Seguridade Social gañou unha media de 23.120 cotizantes estranxeiros en xuño (+1,07%), ata situarse o total de inmigrantes ocupados en 2.178.269 persoas, segundo informou este venres o Ministerio de Traballo, Migracións e Seguridade Social.
Con este repunte, a afiliación de estranxeiros encadea cinco meses consecutivos de ascensos tras gañar en febreiro, marzo, abril e maio 18.500, 41.677, 59.443 e 68.749 cotizantes, respectivamente.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.