Non queremos ser unha satrapía

Algúns opinan que o acordo entre PSOE e PP nos orzamentos de 2014 será bo se impulsa proxectos clave. Eu non concordo coa devandita afirmación porque é falsa e ademais entendo que a xestión dunha cidade non pode basearse só na colocación de lousas, lastras e baldosas por todos os recantos e o simple embelecemento de rúas, cando os nosos veciños quedan sen traballo, son desafiuzados das súas casas ou pasan fame e frío. Mentres a facenda municipal é dilapidada en baldosas, propaganda e contratacións de amigos e familiares de dirixentes do PSOE, realizadas a dedo, o Alcalde de Vigo enche a cidade con letreiros que din que «vivimos nunha cidade fermosa». Non, Vigo non é o «paraíso urbano» que algúns queren vendernos.

Concellos e pirañas

Determinadas pirañas insaciábeis están devorando o erario público dos nosos concellos. Eses peixes carnívoros que nadan na actuais augas políticas, xa sexan alcaldes comellóns e deshonestos, concelleiros lambóns e indignos, empresarios insaciábeis e indecentes están despezando e engulindo nosas institucións e desintegrando a nosa alma colectiva.

ANOVA, o partido-movemento que Galicia necesita

ANOVA está pasando por unha grave crise organizativa e iso porque as dúas culturas que conviven na devandita estrutura política non foron quen de chegar a unha axeitada síntese. Deste xeito a cultura horizontal encarnada polos partidarios do «partido-movemento» e a obsoleta «cultura nacionalista clásica» seguen coexistiendo pero de xeito conflictivo. Cómpre que ambas as dúas maneiras de entender a organización cheguen a unha síntese consensuada ou, cando menos, a un “acordo de mínimos” que sirva para continuar a travesía.

Nepotismo municipal

O nepotismo municipal é o apoio, favor ou privilexio de que gozan os parentes e amigos de determinados políticos, cunha relaxada ética, que ocupan cargos públicos nunha corporación local, como alcalde, concelleiro ou calquera outro.

A quen interesa unha agresión a Siria?

O outro día case recibo algún croque na miña testa dalgúns compañeiros de traballo porque desconfiei da versión presentada pola oposición Siria no caso dun posíbel ataque con armas químicas ocorrida na periferia de Damasco. Imos ver se no futuro os inspectores da ONU conseguen atopar algunha evidencia que demostre quen usou armas químicas...

A Xunta e a súa nefasta política de vivenda

A falta de accións públicas por parte da Xunta de Galicia de cara á atención ás persoas sen teito e as inadecuadas políticas de promoción de vivendas sociais ou en alugueiro están deixando ás persoas humildes á beira dun mercado financeiro confuso e carente de calquera control institucional. Deste xeito posibilitouse o negocio máis colosal, lucrativo e fraudulento dos últimos tempos en Galicia: a compra–venda de vivenda nova e usada.

En Galicia hoxe: Socialismo ou barbarie

Compañeiras e compañeiros, amigos e amigas. Diríxome a este concorrido auditorio para opinar sobre ANOVA e sobre o noso futuro colectivo. Un futuro que ANOVA pretende tinguir de vermello, verde, violeta e doutras centos de cores e matices. Un futuro que debe construír a propia maioría social desde unha óptica de esquerda transformadora, anticapitalista, socialista e revolucionaria e que debe incluír unha dimensión feminista, ecoloxista, internacionalista e anti-racista. É preciso que estas distintas dimensións sexan integradas de xeito coherente.

AGE, a nova esquerda do século XXI

Trala impresionante axitación e intensiva insubordinación global derivada da confluencia do movimento obreiro e estudiantil en maio de 1968, a historia social e política das últimas décadas estivo selada, en boa medida, polo progresivo retroceso da esquerda máis radical, reivindicativa e combativa.