'Espontáneas': unha ventá á sexualidade das galegas pobres que declaraban embarazos ante notario

Galicia presentaba antano a taxa de fillos ilexítimos máis alta do Estado e contaba ademais cunha opción xurídica só coñecida no territorio galego: a de espontanearse. Mulleres acudían ante as autoridades para inculparse por teren quedado preñadas e relataban o sucedido. Diso hoxe fican os expedientes: documentos narrados en primeira persoa que permiten albiscar un pasado menos casto do que puideramos pensar. E, sobre todo, unha sexualidade non sempre dobregada á vontade de home.