Investigan unha vertedura industrial no río Avia ao seu paso polo Carballiño

O Servizo de Protección da Natureza (Seprona) da Garda Civil prosegue a investigación sobre unha vertedura denunciada a principios do pasado mes de xullo no río Avia no municipio do Carballiño (Ourense).

Segundo informaron fontes próximas á investigación, aínda que nunhas primeiras análises non se observou "nada", nuns segundos apuntouse unha posible orixe industrial da vertedura.

Por iso, o Seprona continúa coas pescudas á espera dos resultados de análises realizadas tras a denuncia dun veciño o pasado mes de xullo en relación a unha vertedura de suposto orixe industrial.