Os termómetros superan os 28ºC nas primeiras horas en Cedeira e A Coruña
Este Xoves Arnoia superou os 38º.
Por Europa Press / Redacción | SANTIAGO DE COMPOSTELA | 23/08/2019 | Actualizada ás 10:42
Os termómetros superaron os 28 graos centígrados nas primeiras horas da mañá deste venres en localidades coruñesas como Cedeira, con 28,7ºC, e A Coruña, con 28,1ºC, tras alcanzar o xoves os 38,3ºC o municipio de Arnoia (Ourense).
Así consta nos rexistros de Meteogalicia, recollidos por Europa Press, nunha xornada na que a zona de Ourense ten aviso de risco por temperaturas altas.
Na tarde do xoves o municipio de Leiro alcanzou os 37,3ºC, mentres que na cidade de Ourense os termómetros chegaron aos 37,2ºC e aos 37ºC en Castrelo de Miño, na mesma provincia.
Mentres, ata as 10,00 horas deste venres, ademais de Cedeira e A Coruña, outros puntos da provincia da Coruña rexistraron temperaturas significativas como Arteixo (27,6ºC) e Carnota (27,6ºC). Tamén o municipio pontevedrés das Neves alcanzou os 27,7ºC ás 10,00 horas deste venres.
