Desaloxado un edificio en Noia por un incendio no cadro eléctrico dun supermercado

Un incendio declarado no cadro eléctrico dun supermercado en Noia (A Coruña) provocou na xornada deste xoves alarma no local. Segundo puido saber o 112 Galicia, o persoal do establecemento desaloxou o supermercado e o edificio onde está situado a causa do lume e do fume.

Os feitos sucederon na rúa da Coruña, uns minutos despois das 12,15 horas. Ao lugar desprazáronse efectivos de Protección Civil de Noia, GES de Brión, Policía Local e Bombeiros de Ribeira.

Por outra banda, outro incendio afectou sobre as 11,20 horas a un camión que circulaba pola AP-9 á altura de Vigo e que resultou parcialmente queimado.

O servizo de bombeiros . CONCELLO DA CORUÑA