Temas: RECICLAXE

Galicia, a autonomía na que menos creceu a recollida selectiva municipal de papel

Por E.P. | Santiago de Compostela | 11/10/2019 | Actualizada ás 19:20

Comparte esta noticia

Galicia foi a comunidade autónoma na que menos creceu a recollida selectiva municipal de papel no ano 2018, segundo un estudo elaborado pola Asociación de Española de Fabricantes de Pasta, Papel e Cartón (Aspapel).

Colectores para recollida selectiva
Colectores para recollida selectiva | Fonte: Wikipedia.

A nivel español, a recollida selectiva municipal de papel e cartón rexistrou en 2018 un crecemento do 10,9 por cento, multiplicando por seis o incremento do consumo de papel, que foi do 1,9 por cento, segundo se desprende do estudo levado a cabo pola organización ASPAPEL.

Así, a comunidade autónoma na que máis creceu a recollida selectiva foi Madrid, cun 23,2 por cento, mentres que Galicia rexistrou o menor crecemento, con 1,6 por cento. Ademais de Madrid, outras cinco rexións presentan un aumento da recollida de papel por enriba dos dous díxitos, como Cataluña, onde creceu un 17,2 por cento; Aragón, no que o aumento foi do 14 por cento; Comunidade Valenciana, con 11,7 por cento; Estremadura, con 11,2 por cento; e Murcia, con 10,5 por cento.

Así mesmo, no grupo das grandes cidades de máis de 100.000 habitantes o crecemento da recollida selectiva municipal de papel e cartón é aínda maior que a media estatal e sitúase no 16,6 por cento.

Temas: RECICLAXE
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta