Por E.P. | SANTIAGO DE COMPOSTELA | 21/10/2019 | Actualizada ás 18:13
A Xunta de Galicia trasladou ao Goberno central o proxecto da Lei galega de acción exterior, coa que pretende mellorar a coordinación con outras administracións.
O encontro tivo lugar este luns en Madrid con presenza do número dous do Goberno autonómico, Alfonso Rueda, e o secretario xeral técnico do Ministerio de Asuntos Exteriores, Unión Europea e Cooperación, José María Muriel.
Segundo informa a Administración autonómica, o texto lexislativo busca "regular a presenza" de Galicia no exterior "desde a colaboración leal co Goberno central e con toda a actividade que desplega nas embaixadas".
Durante o encontro, no que tamén participou o director xeral de Relacións Exteriores e coa UE, Jesús Gamallo; o Executivo central "mostrou o seu respaldo ao texto e felicitou especialmente a aposta pola coordinación que recolle a norma".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.