Científicos de Galicia confirman que o sistema inmunitario xoga un papel "clave" no envellecemento
Unha investigación de dez anos practicada por investigadores do CSIC co peixe cebra determina que o exceso de inflamación provoca danos no ADN.
Por Europa Press / Redacción | SANTIAGO DE COMPOSTELA | 05/11/2019 | Actualizada ás 16:52
Un grupo de científicos do Consello Superior de Investigacións Científicas (CSIC) de Galicia confirmaron que o sistema inmunitario xoga un papel "clave" no envellecemento humano.
A investigación arrincou no ano 2004 mediante estudos con peixe cebra, unha especie "modelo" pola súa similitude xenética cos mamíferos, segundo informa o CSIC.
"Entre os resultados que acadamos ata o momento figura desentrañar as bases do proceso inflamatorio e a resposta fronte a infeccións", indica Antonio Figueras, profesor do CSIC e membro do equipo investigador.
O grupo deseñou unha investigación co peixe cebra para estudar a mutación dun xene que provoca a falta de resposta inmune específica, é dicir, a ausencia de anticorpos, que provoca en humanos unha enfermidade coñecida como a síndrome da 'neno burbulla'.
"O principal achado radica na observación de que a mutación do citado xene en peixe cebra vai asociada a un envellecemento prematuro, menor vida media e alteracións morfolóxcas típicas da idade", explican os científicos.
Así, sinalan que esta consecuencia "pode explicar por que o exceso de inflamación que teñen os peixes mutantes xera un estado de tensión oxidativo que dana o ADN".
