O comité da planta de lixos de Nostián convoca concentracións e folga contra o ERTE
As protestas organízanse en torno ao lema 'Polo noso futuro e o da planta!'.
Por Europa Press / Redacción | A CORUÑA | 14/11/2019 | Actualizada ás 11:45
O comité de empresa da planta de tratamento de lixos de Nostián, que xestiona a empresa Albada, convocou concentracións este mes e unha folga indefinida a partir do mes de decembro contra o expediente de regulación temporal de emprego (ERTE) comunicado pola empresa.
En concreto, segundo trasladou, haberá concentracións na praza de María Pita, os días 22 e 29 de novembro, entre as 11,00 e as 12,30 horas. Estas concentracións repetiranse o 5 de decembro. Ese mes, a partir do día 8, ás 22,00 horas, convocaron unha folga de maneira indefinida no marco dunhas protestas que levan como lema 'Polo noso futuro e o da planta!'.
As mobilizacións responden o expediente de regulación de emprego temporal (ERTE) previsto pola empresa tras a decisión de non procesar o lixo que provén dos municipios do Consorcio das Mariñas.
