Por Europa Press / Redacción | Ferrol | 08/12/2019 | Actualizada ás 11:10
O corpo sen vida e en avanzado estado de descomposición dun home de nacionalidade búlgara foi localizado sobre as 18,30 horas deste sábado no barrio de Canido, en Ferrol.
En concreto, foi unha persoa sen fogar quen se achegou a un baixo utilizado por 'okupas' no edificio Miradoiro da ría, situado na rúa Poeta Pérez Paralle. Foi esta persoa quen deu a voz de alarma. Seguidamente, desprazáronse ata o lugar axentes da Policía Local, que o comunicaron á Nacional para que se fixesen cargo da investigación.
Posteriormente, acudiu ao lugar unha comisión xudicial que autorizou o levantamento do cadáver e o seu traslado ao Hospital Juan Cardona, onde se lle practicará a autopsia. Estímase que o home levaba máis de cinco días sen vida.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.