Temas: BNG NéSTOR REGO

O BNG pide que o "decretazo dixital" e a Lei Mordaza sexan derrogados "de maneira inmediata"

Por E.P. | SANTIAGO DE COMPOSTELA | 14/12/2019 | Actualizada ás 13:34

Comparte esta noticia

O deputado do BNG no Congreso, Néstor Rego, rexistrou unha iniciativa para "pór en cuestión" o chamado "decretazo dixital" presentado polo Goberno de Pedro Sánchez e aprobado pola Deputación Permanente da Cámara Baixa a finais de novembro.

O deputado do BNG no Congreso, Néstor Rego
O deputado do BNG no Congreso, Néstor Rego | Fonte: BNG

Para o nacionalista, este real decreto-lei contra a 'república dixital catalá' "súmase a un proceso de restrición de liberdades" no Estado que "tivo xa un chanzo fundamental" coa "Lei Mordaza".

Así, o deputado apelou ao "sentido democrático" para que ambas as normas "sexan derrogadas de maneira inmediata para garantir algo básico como o exercicio de dereitos fundamentais e liberdades públicas".

"Para o BNG, este decreto que permite ao Goberno, sen mandato xudicial, intervir redes e servizo de comunicación electrónica é incompatible cun sistema verdadeiramente democrático", censurou.

Ademais, Rego sinalou que, aínda que "non lle sorprende" que o decreto fose apoiado por PP e Ciudadanos, si é "máis sorprendente" que Unidas Podemos se abstivese na votación. Segundo as súas palabras, é "unha acción evidente de substituír a defensa de dereitos e liberdades fundamentais por asegurar unha posición no futuro Goberno do Estado".

Temas: BNG NéSTOR REGO
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta