González Formoso (PSdeG) ve "incoherente" que o PP "non facilite" a investidura de Sánchez

Por E.P. | CORUÑA, A | 27/12/2019 | Actualizada ás 17:28

Comparte esta noticia

O presidente da Deputación da Coruña e secretario provincial dos socialistas coruñeses, Valentín González Formoso, cualificou de "incoherente" que o PP "non facilite" a investidura de Pedro Sánchez como presidente do Goberno.

Preguntado se ve factible a investidura antes de que conclúa o ano, recalcou que "todo indica que non vai ser así". "Hai aspectos que mellorar na negociación", apuntou a este respecto. No entanto, mostrouse convencido de que "ao longo de xaneiro haberá goberno", insistindo, ademais, en que "o mandato da cidadanía" foi o de "porse de acordo" para que o haxa "canto antes".

Ao fío diso, dixo que lle gustaría "un maior compromiso por quen é o partido que lidera a oposición". "Que sempre fala de asegurar a gobernabilidade, pero non de facilitar a investidura, iso é bastante incoherente e choca á ciudadania", sentenciou.

A pesar diso, asegurou que se están facendo "todos os esforzos" por parte de quen "están a abrir posibilidades". "Esperemos que en xaneiro se demostre a corresponsabilidade de todas as forzas políticas", recalcou.

Presidente da Deputación da Coruña Valentín González Formoso
Presidente da Deputación da Coruña Valentín González Formoso | Fonte: DEPUTACIÓN DA CORUÑA

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 Gamela

INCOHERENCIAS moitas e moi profundas... AP 4 Sevilla Cádiz https://www.lavanguardia.com/local/...