G. Caballero ve no Goberno garantías para recuperar os bens en mans dos Franco

O secretario xeral do PSdeG, Gonzalo Caballero, erixiu o Goberno de España en "garantía" para a recuperación de bens expoliados durante a ditadura franquista. Gonzalo Caballero mantivo este venres unha reunión de traballo co secretario de Estado de Memoria Histórica, Fernando Martínez, tras a que ambos destacaron o compromiso do Executivo estatal nesta materia.

Despues de felicitar o secretario de Estado pola exhumación dos restos do ditador do Val dos Caídos, o líder do PSdeG destacou que o Goberno estuda como recuperar distintos bens que pasaron a mans da familia Franco durante a ditadura en condicións "forzadas". Este é o caso, segundo indicou Gonzalo Caballero, do Pazo de Meirás, en Sada, e da Casa Cornide, na Coruña.

Respecto diso, conforme sinalou o PSdeG, o alto cargo do goberno trasladou ao líder dos socialistas o seu "compromiso" de utilizar todos os instrumentos legais para a recuperación para o público dese patrimonio e a "garantía" de que todos os traballos para ese fin se seguirán levando a cabo "con rigor e con seguridade xurídica".

Así, sinalou que o Executivo estatal está "comprometido" en auditar os bens expoliados e "traballa con intensidade" para "acreditar coa documentación necesaria esas expoliacións e, con iso, ter base xurídica para conseguir a devolución ao patrimonio público".

"O GOBERNO CUMPRE"

Pola súa banda, o candidato do PSdeG á Presidencia da Xunta destacou que os socialistas son "referente na loita pola recuperación da memoria histórica", como proba o traballo levado a cabo polo goberno presidido por Pedro Sánchez para sacar a Franco do Val dos Caídos.

Ademais, cos traballos xudiciais para conseguir a recuperación do Pazo de Meirás en marcha, Gonzalo Caballero puxo en valor que este goberno "cumpre a palabra dada" en materia de dereitos e liberdades e situou a Casa Cornide como outro caso relevante no que traballar desde o goberno e todas as institucións públicas.

O secretario xeral do PSdeG, Gonzalo Caballero, e o secretario de Estado de Memoria Histórica, Fernando Martínez. PSDEG | Fonte: Europa Press