Por E.P. | A CORUÑA | 26/02/2020 | Actualizada ás 18:34
Dous estudantes da Facultade de Economía e Empresa da Universidade da Coruña (UDC) representarán a Galicia na final de Global Management Challenge na Cámara de Comercio de España, segundo informa o reitorado coruñés.
Botando man dunha empresa ficticia chamada 'Alcasa', Carolina Teijeiro Torrón e Alejandro Fernández Rodríguez, alumnos do máster en Dirección e Administración de Empresas da Universidade da Coruña (UDC), gañaron a primeira edición da Global Management Challenge Galicia.
Trátase dun campionato no que participaron máis de cen estudantes universitarios de toda Galicia e que tivo lugar a pasada semana no centro cultural Marcos Valcárcel de Ourense. Tras lograr este galardón, os dous estudantes representarán a Galicia na final deste evento, que terá lugar os días 22 e 23 de abril na Cámara de Comercio de España, en Madrid.
Por outra banda, baixo o nome da empresa ficticia 'CMAJ Enxeñaría' Chistopher Dorado García, alumno de grao en Enxeñaría Mecánica, Alejandro Veiga Novo, Javier López Veres e Mario Saavedra Gen, estudantes do Grao en Enxeñaría en Tecnoloxías Industriais, lograron o segundo premio na final.
Da Escola Politécnica Superior de Ferrol, Rosalía Chans Veres, Marcos Parada Pombo, Laura Villar Rodríguez e María Fandiño Sánchez, estudantes do máster en Enxeñaría Industrial, conseguiron tamén que a súa empresa 'Negocios do Noroeste', lograse o terceiro premio.
Neste evento, os participantes aprenden a xestionar, a tomar decisións "e a entender o seu impacto en todas as áreas da empresa", explica o reitorado sobre esta iniciativa.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.