Por Europa Press / Redacción | SANTIAGO DE COMPOSTELA | 20/06/2020 | Actualizada ás 12:38
A entrada na chamada "nova normalidade" está ralentizando, e moito, a loita contra o coronavirus. Durante toda a semana non se rexistraron descensos significativos e, de feito, houbo días nos que aumentaron o número de casos. Este sábado, por exemplo, só hai un caso menos que o venres e o número total de contaxiados sitúase en 340.
Así se reflicte nos datos actualizados este sábado pola Consellería de Sanidade, nos que se sinala que do total de pacientes positivos, seis permanecen en unidades de hospitalización --igual que este venres-- e 334 en seguimento domiciliario --un menos--. A UCI de Galicia seguen sen casos Covid-19.
Dos 340 casos positivos, 141 corresponden á área de Vigo --os mesmos que o venres--; 110 á da Coruña --un máis--; 28 á de Santiago --un menos--; 24 á de Ourense --os mesmos--; 17 á de Lugo --os mesmos--; 12 á de Ferrol --igual que hai 24 horas-- e oito á de Pontevedra --un menos--.
Sanidade sinala que ata a data curáronse en Galicia 10.530 persoas e faleceron 619 pacientes con COVID. A última vítima foi notificada o pasado 10 de xuño, e correspóndese cun home de 83 anos que estaba ingresado no Complexo Hospitalario Universitario de Vigo. Do total, 274 estaban vinculadas con residencias. O número de PCR realizadas na Comunidade galega ascende a 164.673, fronte ás 163.569 do venres.
RESIDENCIAS
Os casos de COVID-19 en residencias de maiores de Galicia descenderon de seis a cinco --catro usuarios e un traballador-- ao recibir o alta un usuario con respecto á xornada deste venres, segundo os datos facilitados este venres polas consellerías de Política Social e Sanidade.
Deste xeito, coa curación dun enfermo na residencia Santa Teresa de Jornet, quedan catro casos positivos entre usuarios --tres en Santa Teresa Jornet na Coruña e un en Caser A Zapateira en Culleredo--; e un entre traballadores en Santa Teresa Jornet na Coruña.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.