Suspendida a celebración do mercado dominical de Melide ante o brote da COVID

Segundo os datos trasladados este venres pola área Sanitaria de Santiago e Barbanza, os casos positivos de COVID-19 detectados neste concello ascenden a 39.

Por Europa Press / Redacción | SANTIAGO DE COMPOSTELA | 21/08/2020 | Actualizada ás 17:26

Comparte esta noticia

O Concello de Melide suspendeu a celebración do mercado que se celebra o domingo ante os brotes da COVID-19 rexistrados na localidade.

"Debido á situación de emerxencia sanitaria que estamos a sufrir debido á COVID-19, o Concello de Melide toma a decisión de suspender a celebración do mercado dominical desta semana", sinala o Consistorio nun comunicado remitido aos medios.

Precisamente, segundo os datos trasladados este venres pola área Sanitaria de Santiago e Barbanza, os casos positivos de COVID-19 detectados neste concello ascenden a 39 --20 deles dun brote relacionado cun grupo de amigos e tres con outro familiar--, aos que se suman 16 detectados nun 'screening poboación' entre 18 e 30 anos.

En concreto, o 'screening poboacional' realizado en Melide contou cunha poboación estudada de 747 persoas de entre 18 e 30 anos con médico asignado en Atención Primaria deste municipio.

Do total de probas, detectáronse 16 positivos, o que supón unha incidencia do 2,14 por cento, concretaron as mesmas fontes sanitarias.

Test COVID-19 en Galicia.. DAVID CABEZÓN
Test COVID-19 en Galicia.. DAVID CABEZÓN | Fonte: XUNTA DE GALICIA - Arquivo

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta