Por Europa Press / Redacción | SANTIAGO DE COMPOSTELA | 27/08/2020 | Actualizada ás 15:05
O vicepresidente en funcións da Xunta, Alfonso Rueda, advertiu aos municipios de que "cada un terá que achegar o que lle corresponda para exercer a súa competencia" no funcionamento de escolas na 'volta ao cole'.
"Non se trata de que a Xunta teña toda a responsabilidade no funcionamento dos colexios e os concellos ningunha", afirmou Rueda a preguntas da prensa nun acto en Sanxenxo sobre queixas de alcaldes respecto da falta de fondos achegados polo Goberno galego para a limpeza de centros.
Ademais, lembra que a Xunta destina cada ano 120 millóns "a fondo perdido" ao fondo de cooperación local, que "tamén se poden dedicar a isto". Alfonso Rueda apunta que estas queixas proveñen en gran parte de alcaldes socialista, que "non teñen problema en cederlle os seus remanentes 15 anos á Administracion do Estado", pero "están a pedir" fondos á Xunta.
Así, ve "chocante" a postura destes rexedores, que tacha de "incoherencia", pois considera "máis lóxico que eses remanentes se puidesen utilizar nestes momentos nos que máis falta fai".
"COORDINACIÓN" CON ALCALDES ANTE A PANDEMIA
Cuestoinado tamén sobre críticas dos alcaldes de Pontevedra e Catoira acerca de falta de información de brotes de coronavirus, Rueda defendeu a "coordinación" existente en Galicia entre Xunta e alcaldes, que "ata agora funcionou". Asegura que os "concellos saben que están coordinados con eles" máis aló dalgún caso puntual que poida haber na incidencia da COVID-19.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.