Por E.P. | OURENSE | 27/08/2020 | Actualizada ás 18:50
O alcalde de Ourense, Gonzalo Pérez Jácome, esixe "unha rectificación pública" ao portavoz do grupo municipal do BNG no Concello, Luís Seara, ao afirmar que o documento do futuro plan xeral de ordenación municipal "nunca foi aprobado por Democracia Ourensá".
A través dun comunicado emitido polo Concello, Jácome sinala que dito documento "foi aprobado inicialmente en pleno polos grupos de PSOE e o propio BNG, na etapa do goberno bipartito, e provisionalmente en xunta de goberno no seguinte mandato polo goberno municipal do PP".
"En ningún dos dous casos foi aprobado por Democracia Ourensá", subliña, antes de engadir que só foi "denunciado ante a xustiza" por DO. "Non é que non o aprobásemos de forma provisional, senón que fomos os únicos que o denunciamos", incide.
XUNTA DE GOBERNO
Por outra banda, a xunta de goberno local do Consistorio ourensán deu conta este xoves de 33 asuntos achegados por diferentes concellarías e servizos municipais.
Entre outras cuestións, deuse conta de diferentes comparecencias xudiciais, concedéronse oito licencias e unha prórroga para inicio de obras maiores.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.