Detido un veciño de Xinzo por ter unha treintena de plantas de marihuana nunha leira da súa propiedade

A Garda Civil de Vilardebarrio detivo no mediodía deste martes a un veciño de Xinzo de Limia (Ourense) ao que se lle incautaron 31 plantas de marihuana nunha leira da súa propiedade.

Segundo informa o Instituto Armado, o home, R.S.S., de 47 anos de idade, foi apresado como presunto autor dun delito contra a saúde pública.

En concreto, as 31 plantas de marihuana, de 1,50 metros de altura cada unha, sumaban un peso total de 160 quilos e foron achadas na paraxe da Veiga.

Tras a detención do home, as dilixencias instruídas polos axentes foron remitidas ao Xulgado de Instrución de Xinzo de Limia.

31 Plantas De Marihuana Incautadas Pola Garda Civil A Un Veciño De Xinzo De Limia (Ourense).. GARDA CIVIL | Fonte: Europa Press