Detectan dous novos brotes no Carballiño e Ourense con tres e cinco casos
Outro brote de orixe social en Ourense e notificado o 4 de setembro pasou de sete a oito casos positivos, tras o diagnóstico dunha muller de 43 anos
Por Europa Press / Redacción | SANTIAGO DE COMPOSTELA | 09/09/2020 | Actualizada ás 19:09
As autoridades sanitarias galegas detectaron dous novos brotes na provincia de Ourense, en concreto no municipio do mesmo nome e no Carballiño.
O primeiro trátase dun brote de carácter social que afecta a dúas mulleres de 34 e 38 anos e a dous homes de 30 e 32, ademais da un menor.
Doutra banda, no Carballiño localizouse un novo brote familiar con tres casos: unha muller de 20 anos e dous homes de 57 e 33 anos de idade.
Este mesmo mércores actualizáronse os datos de evolución de diferentes zonas afectadas pola COVID-19 na provincia, todos eles en activo e en seguimento dos seus contactos estreitos.
Un dos brotes que afecta a tres mozosde Verín ascende a cinco casos tras detectarse dous novos positivos entre os seus contactos próximos, en concreto dous homes de 20 e 56 anos.
Tamén neste municipio, outro brote relacionado cun encontro familiar e notificado o pasado 30 de agosto pasou dos 7 aos 10 positivos, con tres novos casos dunha muller de 37 anos e dous homes de 46 e 88 anos.
Finalmente, outro brote de orixe social en Ourense e notificado o 4 de setembro pasou de sete a oito casos positivos, tras o diagnóstico dunha muller de 43 anos.
