A Xunta di que activará en "próximos días" un sistema de información que dea "unha foto" dos gromos de Covid-19

Realizadas case 200 probas tras o gromo detectado na avícola de Cambados e o subcomité técnico estuda novas medidas.

Por E.P. | Santiago de Compostela | 25/09/2020 | Actualizada ás 15:04

Comparte esta noticia

O conselleiro de Sanidade, Julio García Comesaña, avanzou que a Xunta traballa nun sistema de información que permitirá ter "unha foto" de "onde están" os gromos de coronavirus en Galicia. "Estamos a traballar niso" e o obxectivo é telo listo nos "próximos días", segundo dixo.

Punto COVID habilitado na Coruña, para realizar as probas PCR
Punto COVID habilitado na Coruña, para realizar as probas PCR | Fonte: Concello.

García Comesaña destacou, ademais, que "a idea é" que "principalmente" sirva para dispor de datos aos concellos, pero que a Xunta non descarta "que mesmo sexa para a poboación xeral". Así se pronunciou cuestionado polas demandas da Federación galega de municipios e provincias (Fegamp) para que esta información sexa transparente.

Respecto diso, defendeu que, "desde hai moito tempo cando nalgún concello hai unha situación que requira dalgún tipo de intervención, a comunicación sempre foi moi fluída" con ese municipio. Ademais, resaltou que "estas restricións adoitan ser preventivas".

En calquera caso, engadiu que o Goberno galego segue sendo partidario da "conveniencia de non dar os datos de positivos por concello", posto que en localidades pequenas "é unha información moi sensible que hai que manexar con cautela".

EMPRESA DE CAMBADOS

Preguntado pola empresa avícola de Cambados (Pontevedra) con 52 empregados positivos en covid-19, remitiu ao subcomité técnico reunido este venres, pois estuda "toda a información" para decidir que medidas tomar, se proceden. "Estamos a valorar varias alternativas", informou.

"É un brote que levamos estudando desde hai uns días pola incidencia que foi tendo e que está monitorado, temos ben acoutados os circuítos na propia empresa", expuxo.

Así mesmo, sinalou que "de momento a maior parte dos pacientes son asintomáticos, polo que nese sentido" na Consellería están, "entre comiñas, tranquilos". "Agora temos que seguir vendo, cribar o resto da contorna destes positivos", agregou.

Polo momento, van "feitas case 200 probas e faranse todas as que os contactos destes últimos casos de onte --por este xoves-- leven a facer", apostilou.

Inicialmente, segundo explicou o titular de Sanidade, o gromo de Vilagarcía non se asociaba "directamente" con esta compañía, "pero vendo os datos destes días, o incremento de casos en Vilagarcía tería que ver con estes gromos, pero hai que acoutalo perfectamente".

En calquera caso, chamou a atención sobre que, en Galicia, "en xeral, agás a excepción deste caso de Cambados, aínda que hai que estudalo ben, non hai gromos no ámbito laboral", e no educativo "a experiencia que hai ata agora é pequena en días pero son casos que se cre que veñen dos domicilios ou contornas familiares".

Ese mesmo "patrón" é o detectado en lugares como Santiago e O Milladoiro, segundo dixo, por iso é polo que chame a "non relaxarse" nas reunións en ámbitos máis próximos.

RASTREADORES

Por outra banda, interrogado pola polémica sobre o dato de rastreadores, remitiu ao indicado no Parlamento, para asegurar que esta figura non responde sempre á "dunha persoa que o fai de forma específica", aínda que si existen na central de contactos e agora os que mandará o Exército.

Na central de contactos, evitou dar un número de traballadores, para limitarse a asegurar que hai "os que se necesitan" e é un dato que "se foi e vaise adaptando".

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta