Ciudadanos cuestiona as xestións do Goberno na investigación da morte de Diego Belo en Filipinas

O grupo de Ciudadanos no Congreso cuestionou ao Goberno sobre as xestións realizadas na investigación da morte do coruñés Diego Belo a mans da policía de Filipinas o pasado mes de xaneiro.

Nunha pregunta parlamentaria, o partido laranxa insta o Executivo central a aclarar se tomou "algunha acción" sobre as dúbidas manifestadas pola Comisión de Dereitos Humanos de Filipinas acerca da morte de Belo, que o Goberno filipino atribuíu ao desenvolvemento dun operativo antidroga.

Así, reclama ao Goberno que manifeste "que xestións" fixo ante o país asiático para "esclarecer as causas reais" do asasinato de Diego Belo "e asegurar que os seus responsables son levados ante a xustiza".

Así mesmo, anima ao Executivo central a esclarecer as accións levadas a cabo ante o Goberno filipino "para os seus esforzos na loita contra as drogas non se realicen á conta da protección dos dereitos humanos máis básicos".

CORREDOR ATLÁNTICO

Por outra banda, o grupo de Cs na Cámara baixa tamén cuestiona, noutra pregunta dirixida, neste caso, ao ministro de Transportes, José Luís Ábalos, sobre a situación do Corredor Atlántico de mercadorías.

Neste sentido, insta a esclarecer que medidas pretende impulsar para "impulsar" o Corredor Atlántico e se contempla presentar unha proposta para que este proxecto opte a fondos europeos de recuperación.

Familiares e achegados de Diego Belo ás portas do Valedor do Pobo antes de reunirse coa titular da institución, María Dores Fernández Galiño