O Parlamento Europeo dá luz verde ao acordo pesqueiro da UE con Senegal
Beneficiará a buques de España, Francia e Portugal.
Por E.P. | BRUSELAS | 12/11/2020 | Actualizada ás 11:56
O pleno do Parlamento Europeo deu luz verde ao protocolo pesqueiro da UE e Senegal, que dá acceso ás augas do país africano a buques de España, Francia e Portugal para a pesca de principalmente de atún e tamén de pescada negra durante un período de cinco anos.
As negociacións do novo acordo de pesca con Senegal comezaron en xullo de 2019 e a Eurocámara aprobou o texto acordado con ambas as partes con 524 votos a favor, 47 en contra e 115 abstencións. O pacto, no entanto, aplícase de maneira provisional desde que fose asinado o 18 de novembro de 2019.
En concreto, dá permiso a 28 atuneiros cerqueiros conxeladores, dez cañeiros e cinco palangreiros de España Portugal e Francia para pescar ata 10.000 toneladas ao ano de atún. Ademais, dous arrastreiros españois poderán pescar en augas de Senegal ata 1.750 toneladas de pescada negra ao ano.
A contribución que a UE pagará a Senegal queda fixada en 1,7 millóns ao ano, dos cales 800.000 millóns correspóndense coa contrapartida económica a cambio do acceso a augas senegalesas. Os 900.000 euros restantes teñen o obxectivo de mellorar o control de pesca, desenvolver a investigación pesqueira e a recompilación de datos e proporcionar certificación sanitaria para os produtos pesqueiros.
