Comezan a baixar tamén os usuarios de residencias con covid-19 en Galicia.
A Xunta non notifica novos casos nin entre residentes nin nos persoais dos centros de maiores ou discapacidade
Por Europa Press / Redacción | SANTIAGO DE COMPOSTELA | 09/12/2020 | Actualizada ás 13:55
O número de usuarios de residencias de maiores de Galicia afectados por covid-19 descendeu a 323 nas últimas horas, nas que a Consellería de Política Social non notificou ningún novo positivo nin entre residentes nin nos persoais de traballadores dos centros de maiores ou discapacidade.
Así figura no último balance ofrecido pola Administración autonómica, que cuantifica en 323 os casos activos entre usuarios de residencias, sete menos que 24 horas antes. A baixada débese á ausencia de novos positivos e ao saír do cómputo dos usuarios da residencia San Salvador de Guntín e un de Nosa Señora Valvanera de Cambados. Así mesmo, tamén hai que descontar as catro mortes de usuarios de residencias notificadas polo Sergas a última hora do martes.
Deste xeito, a residencia Vila do Conde de Gondomar mantense unha xornada máis como o centro con máis casos cun total de 108 usuarios contaxiados. Pola súa banda, en segundo lugar atópase o Asilo de Vilalba, con 44. Ademais, a residencia Soremay de Pontevedra ten 41 positivos; mentres que a Pontevedra de Vilaboa conta con 34 casos.
Na San Antonio de Beariz hai 18 maiores infectados, mentres que na San Salvador de Guntín son 14 os usuarios con covid-19. Tamén hai 13 contaxios na Cesantes-Redondela.
TRABALLADORES DE RESIDENCIAS
Con respecto aos traballadores de centros xeriátricos, descenden a 188, tres menos que o día anterior, ao negativizar en proba PCR tres empregados: dous da Ballesol e un da residencia Claudina Somoza.
Con respecto a centros de atención a persoas con discapacidade, un usuario da residencia de Discacidade de Bergondo deu negativo, co que o número global de afectados baixa a tres, todos eles en en a Doral de Mos.
