Por E.P. | A CORUÑA | 02/03/2021 | Actualizada ás 11:34
A conselleira do Mar, Rosa Quintana, defendeu que o sector pesqueiro sexa "prioritario" na vacinación fronte ao coronavirus por ser declarado como "actividade esencial" e por ter "limitacións de espazo" nas embarcacións para manter a distancia social e, ademais, resultar "difícil" traballar con máscara.
En declaracións aos medios na Coruña, a responsable autonómica apuntou ás dificultades de acceso á sanidade dos tripulantes. "Enrólanse, saen a navegar e se cadra tardan tres meses en chegar a un porto onde poidan ter asistencia médica polo que creo que si está xustificado que este sector sexa dos primeiros en ser vacinados", sinalou.
Quintana lembrou que a competencia en temas sanitarios na pesca é do Instituto Social da Mariña e insistiu na necesidade de que os mariñeiros sexan dos primeiros en inmunizarse. "Todos os sectores estamos a desexar que nos vacinen", concluíu.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.