Por E.P. | A CORUÑA | 22/03/2021 | Actualizada ás 14:27
O delegado do Goberno en Galicia, Javier Losada, reivindicou a Lei Orgánica de Regulación da Eutanasia, aprobada recentemente no Congreso, como unha "conquista social", tras unha reunión con integrantes da directiva en Galicia da Asociación Dereito a Morrer Dignamente.
Tras o encontro, subliñou a loita "incansable" e "exemplar" de todas aquelas persoas que defenderon a aprobación dunha lei destas características, con alusión en concreto a esta entidade, á vez que tivo palabras de recordo para Ramón Sampredo, o primeiro en España en pedir a eutanasia e cuxo caso chegou aos tribunais.
Losada indicou, ademais, que se trata dunha lei que a sociedade "demandaba desde hai anos" e aludiu ao papel de todas aquelas persoas que loitaron para que a mesma fose unha realidade.
Dela, dixo que dá resposta a unha materia moi sensible de forma que en si mesma "constitúe unha conquista social do noso país". Ademais, asegurou que materializa un compromiso do actual Goberno.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.