Presentan enmendas á Lei de protección de datos para investigación e sanción por "limitar as liberdades"

O deputado do BNG no Congreso, Néstor Rego, presentou unha batería de emendas ao articulado do proxecto de Lei Orgánica de protección de datos persoais tratados para fins de prevención, detección, investigación de infraccións penais e de execución de sancións.

O obxectivo destas emendas é "protexer os dereitos fundamentais" recoñecidos na lexislación estatal e internacional que agora "ven ameazados" por este proxecto de lei. Entre elas, búscase impedir o almacenamento de información que afecta directamente á intimidade das persoas e que pode "ser discriminatorio", por referirse a a súa ideoloxía, relixión, raza, orientación sexual ou procedencia.

O BNG advirte que podería levar a identificacións baseadas en prexuízos sobre as persoas. "Supón un estigma que abriría a porta a prexuízos e discriminacións baseados na capacidade adquisitiva, o ideario relixioso, a orixe cultural ou racial", censura Rego.

Do mesmo xeito, advirte que non se pode obrigar á revelación de pertencer ou non a unha formación política, sindicato ou asociación, cuestión que "atenta directamente" contra o dereito á intimidade, senón que se tería que solicitar unha autorización xudicial que ofreza garantías na investigación.

Outras emendas refírense ao tempo máximo de conservación de documentos e información das forzas de Seguridade, ou sobre a regulación de instalación de cámaras fixas sen informar as autoridades locais, cuestión que considera "impensable" e da que pide a súa "supresión".

Néstor Rego | Fonte: BNG.