Ofensiva de UPyD para cambiar a Lei Electoral en Galicia

Rexistra na Cámara galega unha iniciativa Lexislativa Popular para cambiar o reparto das circunscricións electorais e endurecer o réxime de incompatibilidades.

Por Galicia Confidencial | A Coruña | 06/10/2013 | Actualizada ás 13:25

UPyD quere aproveitar o debate creado sobre a necesidade de reducir o número de escanos no Parlamento galego para facer cambios máis profundos. Por iso, o seu Portavoz e Coordinador Territorial en Galicia, Gonzalo Fernández Piñeiro, presentou este venres no Rexistro do Parlamento de Galicia unha Iniciativa Lexislativa Popular para cambiar a actual Lei de Eleccións.

Con esta iniciativa, a formación de Rosa Díez quere unha maior proporcionalidade na repartición de escanos entre as circunscricións, na atribución de escanos ás candidaturas de cada circunscrición e no tratamento dos restos electorais que, di, "se se realiza a nivel de toda Galicia, prescinde da lei d'Hont".

"Todos teñan o mesmo valor"

O seu principal obxectivo é que "todos os votos teñan o mesmo valor con independencia do lugar no que se depositen". Ademais a ILP incide na "limpeza e transparencia" dos procesos electorais e, por iso, UPyD aposta porque se desbloqueen as listas electorais, endurecer o réxime de incompatibilidades e regular os fondos públicos durante as campañas

Unha vez admitida a trámite esta iniciativa, UPyD anuncia que comezará unha campaña de recollida de firmas por toda Galicia en apoio da proposta.

2 Nacionalismo espanhol NON

Gostaria moito da desaparición das listas pechadas pero moito me temo (e ogalhá estea errado) que a situación non ía mudar moito. Por exemplo, os votantes do PP seguro que ían seguir facendo o mesmo de sempre, que é agharrar a papeleta impresa enteira e metela p'adiante independéntemente que na lista estea Fraga, Feijóo, Louzán… Conde Roa, Maria-Tareixa de Calcuta, a garda civil ou o mesmísimo Caralho29. Outra cousa é de onde ven a iniciativa: os u-peideiros son unha organización nacionalista espanhola que negan Galiza como nazón, berran pola imposición do espanhol na Galiza e apoian o ativismo vi-lingue tangalhego que consiste en "Non me fales en gayego, pvto terrorista". Outra cousa é que non o digan de cara, mais mirade quen apoia esa organización. Espero que desaparezan da nosa terra.