Feijóo: "Unha vez que finaliza o toque de queda, o seguinte é o lecer nocturno"

O presidente da Xunta, Alberto Núñez Feijóo, reafirmou que se traballa co obxectivo de pechar unha proposta para o lecer nocturno, ademais de avanzar nun paquete de axudas económicas, dado que, baixo o seu punto de vista, é preciso "facer unha discriminación aínda máis positiva" cun dos sectores máis castigados.

Neste sentido, destacou que os empresarios deste ámbito acolléronse aos plans de rescate impulsados pola administración para empresas e autónomos, pero considerou que é preciso "facer unha discriminación aínda máis positiva".

Respecto diso, aludiu a que a Xunta traballa en dous sentidos: un paquete de axudas económicas e en protocolizar unhas experiencias piloto en distintas cidades. "Cando as teñamos protocolizadas empezaremos con algunha experiencia dun local por cidade ou a ver como podemos expolo", esgrimiu. "Unha vez que finaliza o toque de queda, o seguinte sería o lecer nocturno", concluíu o presidente galego.

Local de lecer nocturno. Pub, bar, discoteca. Mozos de noite. LECER NOCTURNO