O Consello Consultivo emitiu 368 ditames no primeiro ano da pandemia
En termos porcentuais, a Xunta aglutina un 73,10 por cento de expedientes, mentres que deputacións e concellos quedan nun 26,63 por cento.
Por E.P. | SANTIAGO DE COMPOSTELA | 13/07/2021 | Actualizada ás 20:34
O presidente do Consello Consultivo de Galicia, José Luís Costa Pillado, presentou ao presidente da Xunta de Galicia, Alberto Núñez Feijoo, a memoria anual 2020 do organismo na que se fan constar 368 expedientes avaliados, dos cales fai falta destacar que 214 corresponden a asuntos relacionados coa sanidade.
No balance xeral presentado a Núñez Feijóo constan 143 expedientes menos que no exercicio anterior, descenso, recalcan, xustificado por que a pandemia impediu o normal desenvolvemento da actividade administrativa en xeral.
A administración autonómica volve ser a que máis casos somete a consulta, con 269, seguida da administración local con 98 asuntos e a universitaria cun só caso.
En termos porcentuais, a Xunta aglutina un 73,10 por cento de expedientes, mentres que deputacións e concellos quedan nun 26,63 por cento.
No ámbito da Administración galega, a Consellería de Sanidade foi de novo a que máis expedientes elevou a consulta (214), seguida de Facenda (21), Vicepresidencia (5), Educación (5), Política Social (5), Medio Ambiente, Territorio e Vivenda (4), Mar con 3 e o resto de consellerías con 2 ou menos consultas.
O informe máis destacable pola influencia do ano pandémico foi o referente á posibilidade legal de alcaldes e alcaldesas de exercer competencias en materia sanitaria no ámbito dos seus concellos.
