O PP de Ourense sinala que a sentenza sobre os fondos de DO non é "firme" e o PSOE pide moción de censura

A portavoz municipal do PP de Ourense, Flora Moure, manifestou o "máximo respecto" á resolución xudicial pola que a titular do Xulgado de Instrución número 3 de Ourense deixa sen efecto o sobresemento do caso dos fondos de Democracia Ourensá ao considerar que existen indicios de malversación e asegurou que non se trata dunha "sentenza firme".

En concreto, na mañá deste martes, o Xulgado de Instrución número 3 de Ourense rectificou e deixou sen efecto o sobresemento da causa sobre as presuntas irregularidades na xestión dos fondos de Democracia Ourensana.

Tras a denuncia dos críticos de DO sobre estas presuntas irregularidades, en setembro o Partido Popular abandonou o goberno á espera de que o alcalde dese explicacións e da resolución xudicial. Ademais, aínda que en xaneiro deste mesmo ano a xuíza decretou o sobresemento provisional e o arquivo da causa por suposta prevaricación, o PP tardou ata este verán en regresar ao goberno.

Agora, coa resolución do auto xudicial na que se conclúe que pode existir a presunta malversación de fondos, a reacción da portavoz municipal do PP, Flora Moure, foi manifestar o seu "máximo respecto ás resolucións xudiciais. "Como fixemos e faremos sempre", dixo para apuntar que, "neste caso, cabe destacar que non estamos ante unha sentenza firme".

VILLARINO PIDE AO PP QUE PERMITA A MOCIÓN DE CENSURA

Pola súa banda, o portavoz municipal do PSOE, Rafael Rodríguez Villarino, asegurou que, á vista da resolución, o Partido Popular "debería abandonar inmediatamente o goberno de coalición". "Foron os mesmos motivos, sen tanta base xurídica, os que o levaron a abandonalo no pasado" polo que "agora non poden ser cómplices de Gonzalo Pérez Jácome", sentenciou.

Así mesmo, Villarino volveu a abrir a porta á moción de censura ao asegurar que "é o momento de que o PP lle aforre a vergoña á cidade asinándoa e permitindo que Ourense teña un goberno digno e propio da cidade".

Posición similar trasladou o grupo municipal nacionalista. O portavoz, Luís Seara, sinalou que é necesario que o PP clarifique se segue mantendo que hai que devolverlle a honorabilidade a Jácome" ou se "asumen a responsabilidade e esíxenlle a súa dimisión tal e comose votou no pleno" do pasado setembro.

Para Seara, os populares teñen que "deixar de xogar con Ourense e co seu futuro" e "deixar de rirse dos veciños". Así, pediu que "recoñezan os seus erros" e pidan desculpas "por todo o dano causado ao longo destes anos" acusándoos de ter como fin "manter a Baltar á fronte da Deputación".

"Jácome non pode permanecer nin un minuto máis á fronte da alcaldía, pedímoslle ao PP que deixe de prestarlle o seu apoio e que se bote ao carón para permitir a formación dun goberno alternativo", censurou Seara.

"UN CALVARIO MOI DOLOROSO"

Pola súa banda, o exintegrante de Democracia Ourensna, Miguel Caride, asegurou que os díscolos de DO "non están nin máis nin menos contentos". "O que fixemos foi pór ante Fiscalía unha serie de feitos, ao principio non atoparon indicios e agora si. Houbo declaracións, houbo probas documentais, houbo testemuñas e hai quecontinuar coa investigación porque soamente son indicios na actualidade", expuxo.

Tras iso, trasladou o ·máximo respecto pola presunción deinocencia e pola administración da xustiza". Como ex man dereita de Gonzalo Pérez Jácome, quixo falar desde un plano persoal e manifestou que "non é unha alegría porque se trata dun calvario moi doloroso".

"Antes de todo isto, no pasado, fomos moi amigos", sinalou para soster que a denuncia non se produciu por "odio cara a ninguén" senón por que "de non habelo" serían "cómplices".

O ALCALDE CONFÍA NO ARQUIVO

Pola súa banda, a través dunha mensaxe publicada a través do seu perfil na rede social Twitter, o alcalde asegurou que estimar o recurso significa que "se seguirá indicando xudicialmente" pero sostivo que el "segue esperando que se termine arquivando ao non haber base". Así mesmo, noutra mensaxe publicada en 'Facebook', afirmou que "non lle deu moita importancia" á primeira denuncia, nin ao posterior arquivo e sinalou que agora "tampouco lla dá".

Así, dixo que, "á marxe das alegrías provisionais que lle causen a algúns ilusos", o asunto "non ten nada que ver coa xestión na alcaldía" e subliñou que non ten "ningún inconveniente" en que se revise o que proceda. Deste xeito, asegura que prestará a súa total colaboración para "que non quede sombra de dúbida".

"É irónico que tras achegar eu inxentes recursos do meu patrimonio persoal facía DO, alguén se expor se realmente foi ao revés. Todo se basea en testemuños vagos de quen foron expulsados da contorna de DO e só gardan rancor e frustración", criticou o alcalde. "O único que me quita o soño é a loita diaria por sacar adiante a cidade desde a alcaldía", finalizou o rexedor municipal.

O alcalde de Ourense, Gonzalo Pérez Jácome | Fonte: Rosa Veiga - Europa Press.