O contaxio de 15 anciáns en Fene volve poñer as residencias no punto de mira

Os usuarios de residencias de maiores contaxiados polo coronavirus Covid-19 en Galicia aumentan a 22 tras detectarse 15 positivos nun centro de Fene. Segundo informaron este mércores as consellerías de Sanidade e Política Social, detectáronse outros 15 usuarios contaxiados na residencia Santo Estebo de Perlío en Fene.

Deste xeito, ascenden a 16 os usuarios contaxiados na Residencia Santo Estebo de Perlío de Fene; mentres que hai tres na Campolongo de Pontevedra; dous na Bodía Magnolio de Vigo e un na Residencia de Val do Dubra (A Coruña). Pola súa banda, os centros de atención á discapacidade reducen a 12 os usuarios contaxiados tras saír do lista un deles por negativizar no CAPD de Sarria (Lugo), polo que hai 10 casos na RGA Valverde de Allariz (Ourense) e dúas no citado centro lucense.

Dous traballadores sanitarios totalmente protexidos acoden á residencia de anciáns de San Cibrao onde se orixinou un brote de Covid-19, en San Cibrao, Lugo.. Carlos Castro - Europa Press