O partido de Gordillo tamén pide a independencia de Andalucía

"Andalucía non é España. Xa existiu antes de que se configurase o Estado español e seguirá existindo tras a súa caída", asegura.

Por Galicia Confidencial | Sevilla | 19/01/2014 | Actualizada ás 11:00

Galicia, Euskadi, Catalunya e, agora, Andalucía. Nas catro nacionalidades recollidas na Constitución Españoña xa hai partidos que piden a súa independencia de España. O último en facelo é o Colectivo de UNidad de los Trabajadores-Bloque Andaluz de Izquiercas (CUT-BAI), formación integrada en Izquierda Unida, e que lidera o parlamentario andaluz Juan Manuel Sánchez Gordillo.

De feito, a formación celebra este domingo o seu IV Congreso baixo o lema "Andalucía, soberanía para a igualdade". E, no cónclave, debaterase un documento político no que se reclama a apertura dun "proceso constituínte" en Andalucía como "expresión política de independencia".

"Non nos falta historia, fáltanos coñecemento da nosa historia. Andalucía non é España, existiu antes de que se configurase o Estado español e seguirá existindo tras a súa caída", recolle o texto elaborado polo CUT-BAI, que lamenta que "a conquista española que durou oito séculos truncou o renacemento cultural andaluz e xeneralizou o latifundismo, que segue representando hoxe una das grandes trabas para o progreso de Andalucía".

"Andalucía é unha das nacións europeas máis antigas", segue o documento que insiste en que a "singularidade, historia e cultura común de moitos séculos lexitiman ao pobo andaluz para ser suxeito político da súa propia soberanía".

"Baixo o xugo do Estado español e da UE"

"Andalucía chegou ao século XXI como un territorio subdesenvolvido no económico, sometido aos poderes políticos da UE e do Estado español e aliñado no simbólico-cultural e non pode saír da situación na que se atopa baixo o dobre xugo da UE e do Estado español", engade o CUT-BAI, que aposta por "construír un futuro propio xunto ao resto dos pobos do Mediterráneo por fóra do euro e da UE, por fóra da esclavización española e por iso esiximos o dereito de soberanía para que sexan só e unicamente os andaluces os que en cada momento decidan o seu futuro".

Ademais, o documento destaca que Andalucía é unha "nacionalidade histórica como a que máis" con base no "andalucismo histórico" exposto desde a Asemblea de Córdoba de 1919, critica que a "identidade andaluza foi subtraída" tras a Guerra Civil "para asimilala á España nacional católica" e que con posterioridade Andalucía "foi vítima do apaño da Transición onde as cúpulas da esquerda reformista (PSOE, PCE, UXT e CCOO) pactaron cos residuos do franquismo a reforma do réxime".

5 Dona urraca no seu castelo

Por que entenderán os centralistas que só eles teñen dereito a opinar? Se os demais queren ser independentes, que o sexan; xa o dirán as urnas, ou çé que non se aceptan urnas? Logo non falemos de democraci, faklemos de dictablanda, alomenos. Andalucia independente!! Por que non? Ou é que a historia só vle para xustificar aquelas cousas que nos favorecen?

1 Valdeorras

Claro que si. Eu son de Valdeorras e teño dereito a pedir a independencia desta bisbarra. Que temos que ver nós con Vijo, A Coruña ou Compostela? A nosa capital para moitos efectos é Ponferrada, que nin é Galicia, nin quere selo. Será posible que os nacionalistas centralistas galegos nolo permitan?

2 Jerjes

Logo tés queixas do goberno independente de Galiza? Ou é que és dos que se queixan por si acaso doe, Valdeorras?. A dona ten razón: non podes obrigar á xente a que aturen un goberno que non queren . Iso xa o tentóu Xosé Bonaparte, por poner só un exempro.

4 Fernando

Hago lo que sea para seguir pillando subvenciones, trincando sueldo público, perder Ipods y sin dar golpe. Firmado: Gordillo el califa. Por certo, partidos independentistas hai os ata en Canarias e Asturias

1 Habanero

Fago o que sexa para trincar sen pagar as consecuencias, firmado: Ansar, Zapateado, Felipex, Freixón...e demáis grandes do reino.

3 O Príncipe dos Mouros

A este chóvelle a caldeiros. Isto é unha broma e punto. O seguinte territorio en se declarar "nación" vai ser A Rioxa.

2 dema go-go girl

do trinque-trinca da uxt e dos palmeiros finos e palanganeros que os lo llevabais cru, nin mencion non, my friend? Comprendo ...

1 toureiro galego-andaluz

parece que aiche medo xornalistico ou autocensura a falar das andanzas do chamado @vieiras por andalucia, namentras a nova arde e continuan a expulsions agora 17 denunciado por anovar a nova como expulsions sin garantias xuridicas ningunhas, o @vieiras anda na formación do BLOQUE ANDALUZ, o imaxino cun canutier xerezano por riba da cachaldora, tal vez montado nun cabalo arabe, o caudillo altozano de Brion, da feudataria da reboraida... POIS FALAR DARIA PARA MOITO...

1 ORULOLIR1940

Realmente penoso. Sodes tan simples e tan "oportunos" que Beiras ocúpavos todo o maxin, que non debe ser moi grande. Sen querer ou querendo facédelle a campaña política gratis. Vos seguide así que o Beiras seguirá medrando políticamente grzasa a vos, precisamente.