As residencias galegas seguen sumando casos covid e chegan aos 86 positivos
Na última xornada rexistráronse 13 contaxios novos, 12 deles nunha residencia de Baralla.
Por Europa Press / Redacción | SANTIAGO DE COMPOSTELA | 01/09/2021 | Actualizada ás 14:05
O número de casos de covid nas residencias de maiores aumentou nas últimas 24 horas, e subiu ata os 86 positivos. A pesar de negativizarse dúas infeccións, unha na residencia Santa Marta de Vigo e outro na de Ribadeo, notificáronse 13 contaxios novos que pertencen, concretamente, á residencia San Vitorio, en Baralla (12) e As Gándaras, en Lugo (1).
Deste xeito, volve aumentar o número de contaxiados por coronavirus neste tipo de centros, tras reducirse as infeccións notablemente na xornada anterior, debido sobre todo á baixada nas Gándaras, a maior residencia de maiores da provincia de Lugo, que chegou a ter 72 casos positivos da enfermidade.
Así, neste centro quedan 38 residentes con Covid, mentres que hai outros 20 na residencia García Hermanos de Betanzos. Por outra banda, ascenden a 23 os casos na residencia San Vitorio de Baralla, tres permanecen activos en Santa Marta de Vigo, un en Santo Estevo de Perlío en Fene, e un en DomusVi Coruña (Oleiros).
CENTROS DE DISCAPACIDADE
Con respecto aos centros de discapacidade, recibiron o alta os dous casos activos que quedaban no Fogar e Clínica San Rafael de Vigo. Así, segue habendo 12 contaxiados no CAPD de Redondela.
